Imibuzo Jikelele Yocwaningo
Ngizoba socwaningweni isikhathi esingakanani?
Uzoba socwaningweni cishe izinyanga eziyi-16.5.
Ngizoya esikhungweni socwaningo izikhathi ezingaki?
Ngesikhathi socwaningo, uzoba nokuvakasha kocwaningo okufika kuma-22. Ngesikhathi sokuvakasha kocwaningo, uzoba nokuhlolwa kanye nezinqubo.
Ingabe kuzodingeka ngiye kukho konke ukuvakasha kocwaningo?
Kubalulekile ukuya kukho konke ukuvakasha okuhleliwe ukuze kuhlolwe impilo yakho nokubona indlela okungenzeka ukuthi umuthi wocwaningo ukuthinte ngayo.
Yiziphi izinzuzo zokuba socwaningweni lokwelapha?
Ungase uzuze noma ungazuzi ngokuqondile ngokuba socwaningwni. Nokho, impilo yakho izoqashwa njalo ngesikhathi socwaningo odokotela bocwaningo abanolwazi lwezifo zesibindi. Nanoma yiluphi ulwazi oluqoqwe ngesikhathi socwaningo lungasiza odokotela bafunde kabanzi ngokwelapha abanye abanezinkinga zezempilo ezifanayo ezihlobene notshwala esikhathini esizayo.
Ingabe kukhona engizokukhokha ngokuba socwaningweni?
Akudingeki ukuthi ukhokhe ukuze ubambe iqhaza ocwaningweni. Uzothola muthi wocwaningo kanye nakho konke ukuhlolwa kocwaningo nezinqubo ngaphandle kwezindleko kuwe.
Ubani oxhase ucwaningo?
Ucwaningo luxhaswa inkampani yomhlaba wonke ye-biopharma i-GlaxoSmithKline. Bakhokhela abasebenzi esikhungweni socwaningo ukuze baqhube lolu cwaningo.
Kwenzekani uma nginquma ukujoyina ucwaningo bese ngishintsha umqondo?
Ukuba socwaningweni kwenziwa ngokuzithandela. Uma unquma ukujoyina bese ushintsha umqondo, ungayeka ukubamba iqhaza nganoma yisiphi isikhathi. Ukushiya ucwaningo ngeke kuphazamise ukunakekelwa kwakho kwezempilo okujwayelekile.
Imibuzo Yokwelashwa Kocwaningo
Yikuphi ukwelashwa kocwaningo engizokuthola?
Uma ufanelekela ucwaningo, uzokwabelwa ngokungahleliwe ukuthola umuthi wocwaningo noma umuthi-mbumbulu. Umuthi-mbumbulu ufana ncamashi nomuthi wocwaningo kodwa awunazo izithako zomuthi osebenzayo.
Amaqembu okwelashwa ocwaningo aqokwa kanjani?
Kuzosetshenziswa inqubo yekhompyutha ukuqokela ababambiqhaza emaqenjini okwelashwa ocwaningweni ngokungahleliwe. Lokhu kubizwa ngokuthi ukufakwa ngokungahleliwe.
Ingabe ngizokwazi ukuthi ngithola muphi umuthi wocwaningo?
Wena nethimba locwaningo ngeke nazi ukuthi yimuphi umuthi wocwaningo owutholayo. Lokhu kusiza ukugcina ucwaningo lunobulungiswa futhi lungachemile.
Usebenza kanjani umuthi wocwaningo?
Umuthi wocwaningo usebenza ngokwehlisa umthamo wephrotheyini elenziwe esibindini okucatshangwa ukuthi libandakanyeka ekwakhekeni nasekubeni kubi kakhulu kwe-ALD. Ngokwehlisa inani lale protheyini, umuthi wocwaningo ungase ukwazi ukunciphisa imiphumela enobuthi yotshwala esibindini.
Ingabe ikhona imithelela engemihle yomuthi wocwaningo?
Njengakuyo yonke imithi, kunethuba lemithelela engemihle, okuyimithelela yomuthi engafuneki noma engahlosiwe. Khuluma nodokotela wocwaningo ukuthola ulwazi olwengeziwe mayelana nanoma imiphi imithelela engemihle engaba khona. Impilo yakho izoqashwa ngeso elibukhali ngaso sonke isikhathi socwaningo. Yazisa udokotela wocwaningo uma ubona imithelela engemihle noma izinguquko empilweni yakho.
Ingabe ngisazoqhubeka ngithola umuthi wocwaningo uma ngiphuza utshwala ngesikhathi socwaningo?
Kutuswa ukuyeka ukuphuza utshwala kubantu abanesifo sesibindi. Nokho, lokhu kungase kungenzeki ngaso sonke isikhathi. Usazokwazi ukubamba iqhaza kulolu cwaningo ngisho noma ungayekanga ukuphuza.